Հոկտեմբերին 26-ին «Եվրասիա» Բարեգործական Հասարակական Կազմակերպության նախաձեռնությամբ կազմակերպության գրասենյակում տեղի ունեցավ «Ոսկե Արագած» հուշամեդալի շնորհումը Արցախի թեմի առաջնորդ, Արցախի հերոս, արցախյան պատերազմի ազատամարտիկ Տեր Պարգև արքեպիսկոպոս Սրբազանին ՝ կատարած բազմաթիվ բարեգործական աշխատանքների համար: Հանդիպման ընթացքում քննարկվեցին նաև «Եվրասիա» ԲՀԿ-ի կողմից ծրագրվող հետագա բարեգործական նախագծերը:
Նշենք, որ 2015թ.-ի հունվար ամսից «Եվրասիա» ԲՀԿ-ն սկսել է պարգևատրել «Ոսկե Արագած»հուշամեդալով բոլոր այն բարերարներին, գործարարներին, հասարակական, քաղաքական, հոգևոր գործիչներին, ովքեր զգալի ներդրում ունեն հասարակական, քաղաքական, սոցիալական, բնապահպանական, գիտական ու հոգևոր ոլորտների զարգացման գործում:
«Ոսկե Արագած» հուշամեդալով արդեն պարգևատրվել են մի շարք հոգևոր և հասարակական գործիչներ, ԽՍՀՄ-ի հերոս գեներալ-լեյտենանտ Յուրի Բաբանսկին, ՌԴ ԴԱԾ Սահմանապահ զորքերի գեներալ-մայոր Վյաչեսլավ Բիրյուկովը, ՀՀ Արագածոտնի մարզի Արագած համայնքի պատվավոր քաղաքացի, գործարար Աղվան Կարապետյանը, «ՎիվաՍել-ՄՏՍ»- ի գլխավոր տնօրեն Ռալֆ Յիրիկյանը և այլք:
