ՀՀ-ում տեղական ինքնակառավարման շուրջ 30-ամյա պատմության ընթացքում քաղաքացիների ուղիղ մասնակցությունը կատարվում է ոչ լիարժեք:
Այս խնդիրն առավել արտահայտված է գյուղական համայնքներում, որտեղ քաղաքացիները հիմնականում պատրաստ չեն կամ ցանկություն չունեն ակտիվորեն ներգրավվելու համայնքային գործերին:
Խնդրի զգալի նպաստող գործոն է տեղական իշխանությունների, հատկապես վարչական ղեկավարների՝ համայնքային որոշումների կայացման գործընթացում հիմնական դերակատարներին չներգրավելու փաստը։
«Մասնակցային կառավարման մոդելի խթանում ՀՀ գյուղական համայքներում։ Սահմաններից դուրս մոտեցում՝ Վիշեգրադի երկրների փորձի փոխանակմամբ» ծրագիրը նպատակ ունի ամրապնդել ժողովրդավարական գործընթացները և խթանել բնակիչների ներգրավվածությունը գյուղական համայնքներում՝ բարձրացնելով Լոռու և Տավուշի մարզերի վարչական ղեկավարների կարողությունները: Ծրագիրը հիմնվելու է Վիշեգրադի գործընկեր երկրների՝ Լեհաստանի, Չեխիայի և Սլովակիայի մասնակցային կառավարման լավագույն փորձի և գիտելիքների վրա:
Կազմակերպված աշխատաժողովի ընթացքում, որը կանցկացվի Վիշեգրադի երկրներից հրավիրված փորձառու մասնագետների կողմից՝ ընտրված շրջանների վարչական ղեկավարները կստանան հիմնարար գիտելիքներ մասնակցային կառավարման և դրա տեղական արդյունավետ կիրառման վերաբերյալ։
Աշխատաժողովը կկենտրոնանա մասնակցային կառավարման գործնական կիրառությունների և իրական օրինակների վրա՝ տեղական իշխանություններին ապահովելով այն գործիքներով, որոնք անհրաժեշտ են քաղաքացիների ավելի լայն ներգրավվածությունը խթանելու և համայնքային մասնակցությունը ուժեղացնելու համար։
Ծրագիրն իրականացվում է Վիշեգրադի միջազգային հիմնադրամի և Կորեայի Հանրապետության արտաքին գործերի նախարարության ֆինանսական աջակցությամբ:
Ծրագիրը ֆինանսավորվում է՝
ՎԻՇԵԳՐԱԴԻ ՄԻՋԱԶԳԱՅԻՆ ՀԻՄՆԱԴՐԱՄ
Կորեայի Հանրապետության արտաքին գործերի նախարարություն
Ծրագիրը ղեկավարվում է՝
Ծրագրի շրջանակում համագործակցում ենք՝
ՌԱԶՄԱՎԱՐԱԿԱՆ ՎԵՐԼՈՒԾՈՒԹՅԱՆ ԹԻՆՔ ՏԱՆԿ
ՔԱՂԱՔԱԿԱՆՈՒԹՅԱՆ ԵՎ ՀԱՍԱՐԱԿՈՒԹՅԱՆ ԻՆՍՏԻՏՈՒՏ
