Հայաստանի քաղաքացիական հասարակության ոլորտը վճռորոշ դեր է խաղում ժողովրդավարական զարգացման, մասնակցային կառավարման և համայնքային դիմակայունության գործում, սակայն տեղական կազմակերպությունները շարունակում են բախվել կառուցվածքային կայունության լուրջ մարտահրավերների։ Ըստ պաշտոնական տվյալների՝ չնայած Հայաստանում գրանցված շուրջ 9,000 հասարակական կազմակերպությունների և հիմնադրամների առկայությանը, դրանցից շատերը մնում են ֆինանսապես խոցելի, ինստիտուցիոնալ առումով թույլ և մեծապես կախված են կարճաժամկետ միջազգային ծրագրային ֆինանսավորումից։ Դոնորներից կախվածության այս մոդելը, միջազգային օգնության առաջնահերթությունների ավելի լայն փոփոխությունների հետ մեկտեղ, ի հայտ է բերել համակարգային խոցելիություններ՝ տեղական ՔՀԿ-ներին թողնելով թույլ կազմակերպչական դիմակայունությամբ, ֆինանսավորման ոչ բավարար դիվերսիֆիկացմամբ և երկարաժամկետ ռազմավարական պլանավորման մշակույթի պակասով։
«Հայաստանյան ՔՀԿ-ների հզորացում Վիշեգրադյան գործընկերության միջոցով» ծրագիրը նպատակ ունի հասցեագրել այս կառուցվածքային խոցելիությունները՝ բարձրացնելով Հայաստանում քաղաքացիական հասարակության կազմակերպությունների երկարաժամկետ կայունությունը, ինստիտուցիոնալ դիմակայունությունը և ռազմավարական անկախությունը։ Իրականացվելով «Եվրասիա» բարեգործական հասարակական կազմակերպության կողմից՝ ծրագիրը հիմնվելու է Վիշեգրադյան (Վ4) երկրների կայունության փորձարկված մոդելների, հետսոցիալիստական անցումային շրջանի փորձի և քաղաքացիական հասարակության զարգացման գործելակերպերի վրա։ Նախաձեռնությունն իրականացվում է սերտ համագործակցությամբ երեք հիմնական գործընկեր կազմակերպությունների հետ՝ «Նոր Եվրոպայի ինստիտուտ» (Լեհաստան), «Ռազմավարական վերլուծությունների Թինկ Տանկ » (Սլովակիա) և «Քաղաքականության և հասարակության ինստիտուտ» (Չեխիա)։
Կառուցվածքային քառափուլ մեթոդաբանության միջոցով ծրագիրը Լոռու մարզում կհիմնի «Վ4-Հայաստան քաղաքացիական հասարակության կայունության հաբը»՝ 35 ընտրված հայաստանյան ՔՀԿ-ներին գործնական, փորձագետների կողմից առաջնորդվող կարողությունների զարգացման հնարավորություն ընձեռելու համար։ Հաբի աշխատանքներից հետո մասնակից կազմակերպությունները կստանան կիրառական մենթորություն Վ4 փորձագետներից, ինչը կօգնի նրանց մշակել և սկսել կիրառել իրենց կազմակերպությունների կայունության անհատականացված գործողությունների պլաններն ու դոնորների դիվերսիֆիկացման ռազմավարությունները։ Ծրագրի բացահայտումները, մեթոդաբանությունները և գործնական ձևանմուշները վերջնարդյունքում կամփոփվեն երկլեզու, թվային «Վ4-Հայաստան ՔՀԿ-ների կայունության գործիքակազմում»՝ ոլորտում երկարաժամկետ կիրառումն ու ինստիտուցիոնալ կառավարման բարեփոխումները խթանելու նպատակով։
Ծրագիրն իրականացվում է Վիշեգրադի միջազգային հիմնադրամի ֆինանսական աջակցությամբ:
Ծրագիրը ֆինանսավորվում է՝
ՎԻՇԵԳՐԱԴԻ ՄԻՋԱԶԳԱՅԻՆ ՀԻՄՆԱԴՐԱՄ
Ծրագիրը ղեկավարվում է՝
Ծրագրի շրջանակում համագործակցում ենք՝
ՌԱԶՄԱՎԱՐԱԿԱՆ ՎԵՐԼՈՒԾՈՒԹՅԱՆ ԹԻՆՔ ՏԱՆԿ
ՔԱՂԱՔԱԿԱՆՈՒԹՅԱՆ ԵՎ ՀԱՍԱՐԱԿՈՒԹՅԱՆ ԻՆՍՏԻՏՈՒՏ
