Ուրախ ենք տեղեկացնել մեր նոր նախագծի մեկնարկի մասին, որն իրականացվում է New Europe հիմնադրամի հետ համագործակցության արդյունքում և ֆինանսավորվում է Լեհ-Ամերիկյան Ազատության Հիմնադրամի կողմից՝ RITA – Տարածաշրջանային Փոխակերպման Ծրագրի շրջանակում։

Տասնմեկամսյա նախաձեռնությունը նպատակ ունի հզորացնել Լոռու մարզի Թումանյան և Փամբակ համայնքների տեղական առաջնորդներին ՝ նրանց տրամադրելով գործնական գիտելիքներ և գործիքներ համայնքային զարգացման հեռանկարների վերաբերյալ։

Ծրագրի շրջանակում մասնակիցները կնպաստեն «Կանաչ տնտեսության քարտեզների» ստեղծմանը, ձեռք կբերեն արհեստական բանականության ժամանակակից գործիքների գործնական կիրառման փորձ և կստանան աջակցություն մրցակցային դրամաշնորհային հայտերի մշակման գործում։ Տեղական կարողությունների ամրապնդման և փորձագիտական ռեսուրսների հասանելիության ընդլայնման միջոցով նախաձեռնությունը նպատակ ունի խթանել նորարարությունը և համայնքների կայուն զարգացումը ։

Մենք աշխատում ենք տեղական շահագրգիռ կողմերի հետ՝ ստեղծելու ավելի ուժեղ և ավելի կանաչ համայնքներ։

Ծրագիրը համաֆինանսավորվում է Լեհ-ամերիկյան ազատության հիմնադրամի կողմից՝ «Ժողովրդավարության համար կրթություն» հիմնադրամի կողմից իրականացվող RITA՝ «Տարածաշրջանը անցումային փուլում» (Region in Transition) ծրագրի շրջանակներում։