«Եվրասիա» բարեգործական հասարակական կազմակերպության էկոլոգիական դեպարտամենտի « Մաքուր քաղաք» ծրագրի շրջանակներում 2015թ.-ի սեպտեմբերի 4-ին «Եվրասիա» ԲՀԿ կամավորները «Օտար լեզուների գործառության և առաջընթացի կենտրոն» կրթական հասարակական կազմակերպության հիմնադիրների, ինչպես նաև Հայաստանի Ամերիկյան Համալսարանի ուսանողների հետ միասին իրագործեցին աղբահավաք Երևան քաղաքի Հրազդանի կիրճում:
Հրազդանի կիրճը ՀՀ քաղաքացիների համար հանդիսանում է հանգստի հիանալի գոտի, բայց ցավոք այն լի է աղբով և չի համապատասխանում սանիտարական նորմերին:
Մասնակիցները գործադրեցին հնարավոր բոլոր ջանքերը տարածքը աղբից մաքրելու և բարեկարգելու համար` հուսալով, որ հետագայում ՀՀ քաղաքացիները ավելի բարեխղճորեն կմոտենան տարածքի մաքրությանը:
Նշենք նաև, որ ծրագիրը սկիզբ դրեց «Եվրասիա» ԲՀԿ-ի և «Օտար լեզուների գործառության և առաջընթացի կենտրոն» կրթական ՀԿ-ի համագործակցությանը:
.jpg)
